قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ حالىققا ارناعان جولداۋىندا زامانۋي تالاپتارعا جاۋاپ بەرەتىن دامۋدىڭ باستى باعىتتارىن بەلگىلەپ بەرگەنى بەلگىلى. وسى ورايدا ەلىمىزدىڭ دامۋ جولىن الەم مويىنداپ، «نازاربايەۆ» مودەلىنىڭ نەگىزىندە وركەندەۋدىڭ جاڭا كەزەڭى ايقىندالدى، دەپ جازادى Qamshy.kz اقپارات اگەنتتىگى. 

پرەزيدەنتتىڭ سايلاۋالدى باعدارلاماسىن ىسكە اسىرۋدىڭ وزەگى رەتىندە بەس مىندەتتەمە بەلگىلەنگەنى دە بەلگىلى.ءبىرىنشى مىندەت – زامان تالابىنا ساي ءتيىمدى مەملەكەت.ەكىنشى مىندەت – ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ.ءۇشىنشى مىندەت – قارقىندى دامىعان جانە ينكليۋزيۆتى ەكونوميكا.ءتورتىنشى مىندەت – الەۋمەتتىك جاڭعىرۋدىڭ جاڭا كەزەڭى.

بەسىنشى مىندەت – قۋاتتى وڭىرلەر – قۋاتتى ەل.

سونىڭ ىشىندە زامان تالاىنا ساي ءتيىمدى مەملەكەت قۇرۋدىڭ وزەكتىلىگى وراسان. بىرىنشىدەن، ەكونوميكالىق ورلەۋ جانە الەۋمەتتىك سالانىڭ بارلىق باعىتتارى بويىشا ساياسي رەفورمالار كەزەڭ-كەزەڭىمەن، تاباندى تۇردە جانە جان-جاقتى ويلاستىرىپ، «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ مىندەتى تۇر.

بيلىك پەن قوعام اراسىندا تۇراقتى ديالوگ ورناتۋ الداعى ۋاقىتتا اتقاراتىن جۇمىستىڭ باسىم باعىتىنا اينالۋى ءتيىس.

سوندىقتان ازاماتتىق قوعامعا قولداۋ كورسەتىپ، ونىڭ الەۋەتىن نىعايتا ءتۇسۋ اسا ماڭىزدى.

ەلىمىزدە بەلگىلى قوعام وكىلدەرىن قامتىعان ۇلتتىق قوعامدىق سەنىم كەڭەسى قۇرىلدى. الداعى ۋاقىتتا، وڭىردەگى قوعامدىق كەڭەستەر دە وزەكتى پروبلەمالاردىڭ ءتيىمدى شەشىمدەرىن تابۋ باعىتىندا جۇمىستار جۇرگىزەتىن بولادى.

ەلباسى ءتوراعالىق ەتەتىن «Nur Otan» پارتياسى بۇگىندە حالىقتىڭ شىنايى سەنىمىنەن، ۇدەسىنەن شىققان حالىق پارتياسىنا اينالدى.

ءوڭىر تۇرعىندارىنىڭ ماسەلەلەرىن شەشۋدە وبلىستاعى باسقا دا بەس پارتيانىڭ فيليالدارى دا بەلسەندىلىك تانىتۋلارى كەرەك.

ەكىنشىدەن حالىقپەن ءتيىمدى كەرى بايلانىس ورناتۋ.

پرەزيدەنت «قوعامدىق ديالوگ، اشىقتىق، ادامداردىڭ مۇڭ-مۇقتاجىنا جەدەل نازار اۋدارۋ مەملەكەتتىك ورگاندار قىزمەتىنىڭ نەگىزگى باسىمدىقتارى سانالادى» - دەپ ەرەكشە اتاپ ءوتتى.

بۇنىڭ بارلىعى ەل ەرتەڭى ءۇشىن جاسالعان يگى قادامدار ەكەنى انىق. سونداي-اق مەملەكەت باسشىسىنىڭ جولداۋداعى ءاربىر ءسوزى، جامبىلوبلىسىندا جۇيەلى جالعاسىن تابۋدا. بۇعان بۇگىنگى اتقارىلىپ جاتقان الۋان تىرلىك دالەل بولا الادى.